Aappariinni persuttaasarneq

Asasamut persuttaasoqartarpoq asasariit inuusuttut asasarisimasallu akornanni. Sullinniakkat 16-24-nik ukioqarput, kisiannili aamma meeqqat 16-it inorlugit ukiullit asasamit persuttarneqarnermik eqqorneqartarput.

Asasamut persuttaasarneq nassuiarneqartarpoq timikkut, kinguaassiutitigut, tarnikkullu nukersornermik, asasarisap asasarisimasalluunnit pilersitarisimasaa.

Asasariit inuusuttut akornanni persuttaasarneq ilaqutariinni persuttaasarnertulli paqumigineqartigaaq, kingunerisarpaalu inuusuttut pisariaqartitaminnik ikiorneqartannginnerat tapersersorneqartannginnerallu nukersortarneq unitsinniarlugu.

Inuusuttuunermi asasariit akornanni persuttarneqarsimagaanni navianartorsiornerusarput inuunerup ingerlanerani aapparisamit persuttarneqarnissamut. Asasasariit akornanni persuttaasarnerup unitsinneratigut ilaqutariinni persuttaasarneq pitsaaliorneqarsinnaavoq, taamaliornikkullu ilaqutariinni meeqqat persuttarneqartarnerat pitsaaliorneqarsinnaalluni.

Inuusuttunut tunngatillugu pingaartumik eqqumaffigisariaqarpoq qarasaasiatigut persuttaasarnerit inooqatigiinnermi attaveqaatit atornerisigut soorlu Facebook, assit mobilikkut nassiussorneqartut assigisaallu aqqutigalugit.

Asasariit akornanni persuttaasarnermut quppernermut attavik