Sooq aniinnartanngillat?

Inooqatigisap persuttaasartup qimakkuminaatsuuneranut peqquterpassuusinnaapput, aamma sivisuumik suliassaasarpoq persuttaasartumit qimagunniartarneq. Ilaat persuttaasartumut uteqattaartuusarput.

Ilaatigut peqqutaasinnaapput inuup:

  • Inooqatigisani asagaa
  • Neriuutigigaa inooqatigisami persuttaajunnaarnissaanik ikiuusinnaanissani
  • Neriuutigigaa aappariit meerai angajoqqaani marluusuni najugaqarnissaat
  • Annilaangatigigaa, inooqatigisap angajoqqaatut oqartussaassuseqalernissaa, qimareernermi
  • Annilaangatigigaa meeqqani illersorsinnaannagit, avissaareernermi inooqatigisap ilagisalissappagit
  • Misigisimagaa persuttaaneq oqinnerusumik suliarisinnaallugu, inooqatigisaq ilagigaanni aamma isumaa nalilersorsinnaallugu
  • Inuunermi avissaarneq paasisinnaanngikkaa, piviusutigut, aningaasaqarnikkut misigissutsikkulluunniit ilagisartakkanit ilaquttanilluunniit tapersersorneqannginneq misigisimagaat avissaarnissamut imaluunniit peqqutigisat assigiinngitsut pissutigalugit allanit uninngaqquneqarneq persuttaanermut tunngatillugu.

Allat peqqutaasinnaasut tassaapput, persuttaaneq persuttarneqartup imminut inuunerminillu isiginninneranik allannguisuusimasoq.

Persuttaanerup assersuutigalugu kingunerisinnaavaa inuup:

  • Ilikkarsimagaa persuttaanertalimmik inuuneqarnissaq nalinginnaasutullu isigalugu
  • Persuttaaneq toqqorteraa annikitsuaranngortikkaaluunniit atuinnarsinnaajumallugu
  • Persuttaaneq nammineq pisuussutigigini
  • Imminut tatigiunnaarlunilu upperiunnaarsimagaa naliliisinnaassuseqarnini iliuuseqarsinnaassuseqarninilu
  • Imminut mattussimasoq, pissusilersornini persuttaanikkulluunniit takussutissat pillugit apeqqutit pinngitsoorniarlugit taamaattumillu attaveqarfigisani annaasimallugit
  • Inoqatigisamit allanut mattunneqarneq, soorlu sangianneq/ningarneq pissutigalugit.

Persuttarneqarsimasumik oqaloqatigiinnissamut pingaartuuvoq, inooqatigisap qimannissaata ajornakusoornassusiannik paasinninnerpit takutinnissaa.