Ilinniartitsisutut ilinniartunulluunnit siunnersuisutut

Ilinniartitsisutut ilinniartumulluunniit siunnersortitut
Ilinniartitsisuuguit imaluunniit ilinniartumut siunnersuisuuguit pasitsaassaqarsimallutillu meeraq inuusuttuararluunniit angerlarsimaffimmini anniartinneqartartoq matumani atuarsinnaavat qanoq iliuuseqarsinnaanerlutit.

Amerlasuutigut meeqqami takusinnaasarpat arlaatigut ilungersuuteqarnersoq, taamaattorli ajornakusoorsinnaasarluni paaseqqissaassallugu patsisaa sunaanersoq. Takujuminaassinnaavoq angerlarsimaffimmi anniartitsoqartartoq imaluunniit allatigut angerlarsimaffimminni ajornartorsiuteqarnersut.

Meeraq anniartinneqartarsimappat makkunuunatigut maluginiarneqarsinnaasarpoq:

  • Arlaatigut killeqanngiusattumik iliuuseqarniartartoq. 

Meeraq kamaqqajaasartoq, eqqissisimanani malinnaarpiarsinnaananilu. Imaassinnaavoq meeqqap suut tamaasa akueriinnarai, kikkut attaveqarfiginerlugit, allat killissarititai ataqqinagit aammalu nammineq killissarititani takujuminaatsillugit. Meeraq inuuttutut sunnerluarneqarsimanngitsutullu pissuseqarsinnaasarpoq aammalu timikkut sumiginnagaarpasissinnaasarluni. 

  • ”Ersinngitsumik” pissusilersorneq.

Meeqqat ”ersinngitsut” ilisarsiniaraani tamatumani sullissisutut malussallaqqissuussariaqarsimassaatit. Meeraq ukiuminiit perorsimarpalaarnerusinnaasarpoq, ukioqamminiik anertunernik akisussaaffilersorluni aammalu matoqqalluni qunorpasittarlunilu. Meeraq arlaatigut imminut mattukkiartorsinnaavoq. Meeqqat anginerusut – inuusuttuaranngulersut – angerlanngisaannangajattunngorsimasarput.

  • Misileraalluni pissusilersorneq.

Meeqqat kissaatigisaqartut aperineqarnissaminnik, tusaaneqarnissaminnut soorluli aamma ilinniartitsisunut angajoqqaanullu sallulaallattaalersimasut misileraallutik pissusilersorput. Inuusuttut allattariarsukkaminni ”suaartarsinnaapput ikiorneqaqqullutik”. Pasitsaassaqarsimaguit meeraq inuusuttuararluunniit aperiuk, taamak iliorneq nipangiussiinnarnermit ajunnginneroqimmat.

Eqqaamajuk pinngitsoornak nalunaartussaatitaavutit
Meeqqanik inuusuttuaqqanillu sullissisutut suliaqarnerit aallaavigalugu pinngitsoornak qisuariartussaatitaavutit arlaatigut misigisimaguit pasitsaassaqaruilluunnit meeraq sumiginnarneqartoq imaluunniit ilaqutariinni annersaasoqartarsimasoq. Matumani atuaruk nalunaaruteqartussaatitaanerit.