Nakorsatut peqqissaasutullu

Peqqinnissaqarfik
Nakorsat, niviarsiat, peqqinnissakkut ikiortit assigisaallu ilaqutariit akornanni annersarneqarsimasunik attaveqallattaajuartarput.

Pissutsinik nassuerutiginnittoqarsimatillugu peqqinnissaqarfiup aallaavigisinnaavaa eqqorneqarsimasunik ikiorsiinermiit, niuiartorqarsimappat suliarinissaanut, politiinut tunniussinissamut imaluunniit anniartinneqarsimasup anniartitsisimasumit ingalassimanninnissamut suleqataanermut.

Amerlasuutigut anniartinneqarsimasoq sakkortuumik ikilerneqarsimasarpoq unnukkut napparsimavimmut takkunnermigut. Tamakku ingerlaannartumik isumagisassaasarput ajoqusernerillu sukumiisumik allattaavinnut allattorneqapallattariaqarlutik.

Aporfissat
Annersagaasimasup amerlasuutigut pisimasoq pissutaaluunniit eqqartorusunneq ajorpai. Tassami nammineq meeqqamilluunniit akiniarneqarnissaat annilaanngassutigisaramikku. Aammami taamatut pineqarsimanertik kanngusuutigisinnaasarpaat.

Annersarneqarsimasut tarnikkut annertuumik ikilerneqarsimasinnaasarput, ingammik piffissami sivisuumi anniartinneqartarsimagunik. Imminut tatigivallaarneq ajorput matoqqasuulersimallutillu. Tamatumanimi ikinngutiminnut ilaquttanulluunniit attaveqarnerat kipisinneqartarsimammat.

Aamma atuaruk: Anniartitsisoqarsimaneranik takussutissat aamma Sooq aniinnartanngillat?