Perorsaasutut meeqqerisutullu

Perorsaasut imaluunniit meeqqaamik paarsisartut
Arlaatigut perorsaasutut imaluunniit meeqqamik paarsisartutut inissisimasimaguit arlaatigullu ilaqutariinni ajortoqarsimaneranik pasitsaassaqarnissat ilimanaateqarsinnaassooq. Taamaattumik iliuuseqaatissat siulleq tassaasarpoq angajoqqaajusunut saaffiginnissuteqarneq. Arlaatigut ernumassuteqarnerit oqaatsiginiarukku ikiuukkusunnerit aallaavigalugu saaffiginnissuteqasaatit. Imaassinnaavoq meeqqap angajoqqaavinik ataatsimoortillugit oqaloqatiginnittarneq sungiusimagit soorlu arlaatigut ajortoqaraangat. Tamanna pinaveersaaruk pasitsaassimagukku annersaasarneq ilaqutariinni atorneqartoq annersarneqartartup meeqqallu tamanna ajoqutigiinnaqinammassuk.

Meeqqanik mikinerusunik paaqqutarinnittarnermi pinaveersaartitsineq peqqissutsimullu tunngasutigut isiginiarfiginninnerusussaavoq. Angajoqqaat tapersersorneqartussaapput meeqqamik alliartornerannut naapertuuttumik peroriartortitsinissaat siunertaralugu. Illit pisussaavutit kommunimut ilisimatitsissallutit, paasisimagukku meeraq arlaatigut inniminniilliorfigineqarsimasoq. Taamatut iliortoqarneratigut ilaqutariit pissuserisaat pillugu misissueqqissaartoqassaaq.

Ilisimatitsisimaguit
Pasitsaassaqaraani imaluunniit ilisimasaqaraani meeraq annersaattarfiusumi inissisimasuusoq paasisat pisortaqarfimmut nalunaarutigineqartussaapput. Tamanna kommunimut saaffiginninnikkut pisinnaavoq. Nalunaarusiorninni allaguk suna toqqammavigalugu pasitsaassaqarsimanerlutit, soorlu takusinnaagit arlaatigut anniartitsisoqartarsimasoq aammalu pasitsaassaqarsimasutit pissuserisaatigut ilumut meeraq anniartinneqartarsimanngikkuni sumiginnagaasimasoq.

Illit ilisimatitsinerit naatsukullaallunilu paasinartuusariaqarpoq – aamma assersuutinik ilaneqarsinnaasoq. Nalunaaruteqarsimaguit pissutsit qulaajaaffigineqarnissaanik tunngasortaa aammalu ilaqutariit ikiorserneqarnissaanik tunngasortaa kommunimiilersimassaaq.